Høyanger kommune blir gjennom denne forskrifta, tildelt myndigheit til å fjerne køy­retøy i tråd med reglane i lov 18. juni 1965 nr. 4 om vegtrafikk (vegtrafikkloven), § 37 fjerde ledd, jf. forskrift om offentlig parkeringsgebyr § 9 første ledd.

Høyanger kommune kan etter iverksettinga av forskrifta, utøve same myndigheit som er gitt politiet.

Fjerning av køyretøy er eit enkeltvedtak, og reglane i lov 10. februar 1967 om behandlingsmåten i forvaltningssaker (forvaltningsloven) er derfor gjeldande.  Det vert særleg vist til forvaltningsloven § 28 andre ledd om klageinstans.

Både den som gjer vedtaket om at fjerninga skal utførast, og den som skal be­handle eventuelle klager, må vere tilsett i kommunen.  Kommunalt eigde selskap er også å rekne som kommunen, jf. kommuneloven § 9−1 andre ledd.  Ved eventuelt inngått kommunesamarbeid som omtalt i § 4, kan derfor den eller dei som gjer vedtak om fjerninga og saksbehandlarar vere tilsette i den samarbeidande kommunen.

Etter at kommunen har gjort vedtak om fjerning, kan likevel sjølve fjerninga utfør­ast av andre.  Dersom kommunen ikkje sjølv står for fjerninga, krevst det avtale om dette.

Der ein kommune har fått tildelt myndigheit til å fjerne køyretøy, kan kommunen samarbeide med andre kommunar om slik fjerning, i samsvar med føresegnene i kommunelova.  I slike tilfelle må begge kommunane ha fått tildelt myndigheit.

Høyanger kommune må informere Vegdirektoratet dersom det skulle skje endrin­gar som kan ha noko å seie for tildelinga.

Forskrifta trer i kraft 23. februar 2026.