Føremålet med forskrifta er å regulere høve til motorisert ferdsel i vassdrag og start og landing med luftfartøy i utmark og vassdrag.

• Forskrifta gjeld i Sel kommune, og innafor verneområde så langt denne for­skrifta ikkje kjem i konflikt med vernereglane.
• Reglane i forskrifta er ikkje til hinder for dei føremål som er nemnd i lov om motorferdsel i utmark og vassdrag § 4.
• Reglane i forskrifta er ikkje til hinder for at grunneigar/rettshaver kan vedta strengare reglar enn det som gjeld i denne forskrifta.  (Jf. lov om motorisert ferdsel i utmark § 10).

Etter skriftleg søknad kan rådmannen dispensere frå reglane i denne forskrifta. Vurdering av søknaden skal følgje reglane i § 6 og § 7 i nasjonal forskrift om bruk av motorkjøretøyer i utmark og på islagte vassdrag.

• Motorisert ferdsel i vassdrag er ikkje tillete, utanom på Furusjøen.  Motorisert ferdsel kan vidare skje i den delen av Lågen og Otta som er farbar.
• Største tillete motorstyrkje på Furusjøen og i Lågen er 10 hk.
• Motorisert ferdsel i vassdrag skal skje i samband med utøving av landbruks­næring, fiske og fiskestell, transport i samband med jakt og viltstell samt anna utmarksnæring.

Start og landing med luftfartøy er ikkje tillete i utmark eller vassdrag innan Sel kommune.

Brot på denne forskrifta vert straffa etter reglar i lov om motorferdsel i utmark.

Denne forskrifta tek til å gjelde frå 26. juni 2019.

Frå same tid blir forskrift 24. juni 1996 nr. 859 om motorisert ferdsel i vassdrag og landing og start med luftfartøy, Sel kommune, Oppland oppheva.