Forskrifta skal fastsetje trase og gje reglar for bruk av trase for persontransport med tyngre beltebilar som utgangspunkt for alpin skikøyring (catskiing) i Vang kom­mune.

Forskrifta gjev føresegner om bruken av beltebilløyper i Vang kommune.  Føre­segnene heimlar berre køyring med typegodkjent og registrert køyretøy i godkjende løyper.

Løypene kan nyttast med godkjende køyretøy i ei prøveperiode fram til og med 15. april 2024.

• Lovleg sesong for motorisert bruk av løypene er frå 1. desember til og med 15. april kvart år.
• Løypene kan køyrast 3 turar per dag med avgang til følgjande tidspunkt: kl. 11.00, kl. 12.00 og kl. 13.00.

Det er to beltebilløyper som kan nyttast for catskiing i Vang kommune.  Dei to god­kjende løypetraseane er vist på vedlagte kart, vedlegg 1 og vedlegg 2.

Løypetraseane skal køyrast opp på vinterføre med natursnø, og heile løypa skal ha berande snølag for å unngå markskade.

Beltebilløypene skal merkast med stikker i material av tre med refleks før løypene vert tekne i bruk.  Stikkene skal fjernast når sesongen for catskiing er over og seinast 25. april.

Beltebilløypene kan berre nyttast til personfrakt med beltekjøretøy med vekt over 400 kg.

Maksimal lovleg hastigheit for bruk av beltekjøretøy i løypene er 20 km/t.

Det skal ikkje leggjast opp til at beltebilane skal stoppe/raste langs med beltebil­løypa.

Løypetraseen kan berre fråvikast med opp til 10 meter i horisontalplanet.  Ut over det må traseen leggjast om.

• Omlegging av løypetrase opptil 20 meter i horisontalplanet kan berre skje så lenge ny trase er kontrollert mot NVE si kartløysing AutoKAST og aktsemdsom­råde for skred.
• Omlegging av løypetraseen med meir enn 20 meter i horisontalplanet kan berre skje etter endring av forskrift og oppdatering av kart.

Den som driv persontransport for catskiing i Vang kommune skal ha følg­jande rutinar.

• Skriftlege rutinar for oppmerking og vedlikehald av beltebilløypene.
• Skriftlege rutinar for å vurdere når det er forsvarleg å gjennomføre turar med omsyn til vêr, sikt og skredfare.

• Skriftlege rutinar for å vurdere når det er forsvarleg å gjennomføre turar med omsyn til vêr, sikt og skredfare.
• Skriftlege rutinar for korleis brukarane av tenesta blir informert om
  • Farefulle område å ferdast i.
  • Lokale vêr- og føreforhold.
  • Vanskegrad.

Informasjon om turane, som minimum beskriv vanskegrad, skal bli gjort tilgjenge­leg der billettar blir seld.

Den som driv persontransport for catskiing i Vang kommune forpliktar seg til å delta i evaluering av forsøksordninga.  Det må skrivast logg frå kvar tur som blir gjen­nomført, loggen skal som minimum ha informasjon om:

• Talet tilsette som er med beltebilen.
• Talet tilsette som er med på nedkøyringa.
• Talet skikøyrarar som er med på turen.
• Talet skiløyperar som beltebilen møter langs med beltebilløypa.
• Vurdering av deltakarane sine evner på ski.
• Vurdering av vêr, sikt og skredfare.
• Eventuelle hendingar på turen (skade, upårekna vêrforhold etc.).