Fastsetting av trase, og reglar for bruk av trase, for persontransport med tyngre trakkemaskiner som utgangspunkt for alpin skikøyring (catskiing) på Tystigen 2019–2024.

Løypene kan nyttast med godkjente motoriserte kjørety i ei prøveperiode på 6 år frå 1. mai 2019 til og med 7. mai 2024.

Lovleg sesong for motorisert bruk av løypene er frå 1. mai til og med 1. oktober kvart år.  Løypene kan køyrast mellom kl. 0900 og kl. 2300.

Trakkemaskinløypene er vist på kartet «Catskiing-løyper på Tystigbreen 2019– 2024».

• Løyper som kan nyttast

  Løypene vist i kartvedlegg 1 (Catskiing Tystigbreen 2019–2014 Løypetraseer 19. november 2018) går i to samanhengande avsatsar i terrenget:

  • Løype 1 gjev transport frå toppen av stolheisen til toppen av nedlagt tau­trekk, ca. på høgdekote 1560.  Løype 1 har tre alternative trasear fyrste strekket (1a, 1b, og 1c).  Løype 1d og 1e er alternative trasear opp til brekanten.  Løypealternativa er etablert på grunn fare for avsmelting tid­leg i sesongen.  Berre ei av løypealternativa på kvar strekning vil vera i bruk om gongen, avhengig av kven av traseane som har snødekke.
  • Løype 2 og 3 går over neste avsats i terrenget, som omfattar Tystigbreen opp til ein av toppane Kvitlenova eller namnlaus topp 1805 m.o.h.  Både løype 2 til Kvitlenova og løype 3 til namnlaus topp 1805 har to alternative trasear opp mot toppane (2a og 2b og 3a og 3b) av omsyn til fare for avsmelting ut i sesongen.
• Krav til snøunderlag og stengingsrutiner

  Løypene skal gå på normalt snø- eller isdekt mark.  Dersom traseen for trakke­maskinløypene vert avsmelta før sesongslutt, skal transport med motorkjørety straks opphøre nedanfor det partiet som er snøbart.

  Det same gjeld dersom nedkøyringsbakken vert avsmelta slik at det oppstår snøbare felt eller kjem fram farlege sprekkar i isen.  Transport høgare opp i terrenget enn der avsmeltinga har blottlagt steinur, bart fjell eller bresprekkar er ikkje tillatt.

  Omlegging av løypetraseen med meir enn 20 meter på grunn av vanskelege snø- og isforhold i horisontalplanet kan berre skje etter endring av forskrift.

• Merking av løype og nedkøyringssektor

  Trakkemaskinløypene skal merkast med stikker i materialer av tre før løypene vert tekne i bruk 1. mai, og stikkene skal fjernast når sesongen for catskiing er over og seinast 1. oktober.

  Nedkøyringssone og -retning frå toppunkt av løypa til Kvitlenova og namn­laus topp 1805 skal merkast med godt synleg markør beståande av snor, for­ankra i is/snøflate.  Nedkøyringssektoren frå Kvitlenova skal vera i ein sektor mellom mellom namnlaus topp 1805 i sørvest og fylkesgrensa i nord.

• Vektbegrensning

  Trakkemaskinløypene kan berre nyttast til personfrakt med trakkemaskiner, med vekt over 400 kg.

• Hastigheit

  Maksimal lovleg hastigheit for bruk av beltekjøretøy i løypene er 25 km/t.

• Trasefråvik

  Ved bruk av trakkemaskinløypene med motorisert kjørety kan traseen berre frå­vikast med opp til 10 meter i sidebreidde under transport og nedkøyring.

• Spesielle omsyn

  Dersom det vert observert villrein på breplatået Tystigbreen innafor område som i kommuneplanen er avsatt til idrettsføremål (jf. kart) skal persontranport langs beltebilløypene straks opphøre, og kan ikkje setjast i gang igjen før reinen på eige initiativ er ute av området som er avsatt til idrettsføremål.

  Sjå kart «Catskiing-løyper på Tystigbreen 2019–2024».

  Vekkjaging av rein vert å sjå på som brot på forskrifta.

Den som driv persontransport for catskiing i Stryn Sommarskisenter sitt anlegg står ansvarleg for å informere alle brukarar av tenesta om dette:

• Lovleg nedkøyringssektor.
• Spesielt farefulle område å ferdast i.

Informasjonen skal gjevast muntleg og gjennom merking i terrenget (jf. pkt. 2.3).