Forskrifta skal vise trasear for motorferdsel når det gjeld preparering av løyper, varekøyring m.v.  Forskrifta skal vise område som er sårbare for motorferdsel i ut­mark.  Forskrifta skal gje reglar for korleis ferdsla skal skje.

Forskrifta gjeld i Sel kommune, og innafor verneområde så langt denne forskrifta ikkje kjem i strid med vernereglane.  Forskrifta gjeld motorferdsel i utmark på vinter­føre og på islagte vassdrag.

Sårbare område er område med særlege naturforvaltningsverdiar som er sårbare for motorferdsel i utmark.

Innafor sårbare område skal det ikkje vere høve til å maskinpreparere løyper.  Det skal vidare visast ei særleg restriktiv haldning til anna motorisert ferdsel, utan om unnatak som er vist på kartet.

I Sel kommune vert det 2 sårbare område:

• Rondane
• Murudalen

Områda er avgrensa på kart dagsett 24. juni 1996.

Ein trase er den strekninga der ein bestemt type motorferdsel skjer.  Der fleire ty­par ferdsel er lagt til same trase, må ferdsla skje slik at det ikkje vert konflikt mellom ulike føremål.

Dersom anna ikkje er nemd skal traseane gjeve i denne forskrifta nyttast.

Etter søknad eller på eige initiativ kan kommunen leggje ned eller opprette andre trasear enn det som er vedteke i denne forskrifta.  Kommunestyret gjer vedtak i saka.

Dersom anna ikkje er nemd kan traseane nyttast frå den tid snøforholda tillet pre­parering om hausten til og med 4 dagar etter 2. påskedag.

Rådmannen kan ved særlege arrangement og tilhøve gje dispensasjon for oppkøy­ring av andre trasear.

I trasear for maskinpreparerte skiløyper kan løypene preparerast med særskilt tråkkemaskin, snøscooter e.l.  Traseane er merka på kart dagsett 24. juni 1996.  Tra­se­ane kan og bli tilrettelagt for hundekøyring.

Stikking av ikkje maskinpreparerte løyper innafor sårbare område kan skje med motorisert køyrety, men kommunen skal på førehand varslast om når køyringa skal skje.  Køyringa skal avgrensast til oppsetting av stikk ved sesongstart, og nedtaking av stikk etter endt sesong.

Ved særlege tilhøve kan tilsyn med merkinga skje etter at det er gjeve melding til rådmannen eller vernestyresmakten for Rondane nasjonalpark.

Traseane skal vere hovudtilkomst til hytte og seterområde der tyngda av leigekøy­ringa skjer.  Traseane skal nyttast i størst mogleg grad, men er ikkje til hinder for at transport kan skje til kvar einkelt hytte.

• All køyring skal skje omsynsfullt og med omsyn til annan aktivitet og interesser i området.
• All køyring utanom de gjevne formåla er forbode.  Der det er gjeve løyve til ervervsmessig transport, framgår føremåla av nasjonal forskrift § 5a.
• Køyring kan berre skje innafor dei område/trasear løyvet er gjeve for.
• Transporten skal foregå innan det tidsrom som er gjeve i løyvet eller forskrift.
• Tidsavgrensing: All køyring er forbode mellom kl 23.00 og kl 07.00.
• Det skal førast køyrebok som på forlangande skal visast kommunen eller myn­da oppsyn.  Originalløyvet og køyrebok skal alltid vere med under køyring.
• På privat grunn og innafor verneområde må løyvehaver sjølv sørgje for å inn­hente løyve.
• Køyringa skal skje slik at løyper ikkje vert øydelagt.
• Misleghald av dispensasjonen og/eller vilkår sett i denne, samt endra føreset­nader kan føre til inndraging av løyvet.

Brot på denne forskrifta vert straffa etter reglar i lov om motorferdsel i utmark og vassdrag.

Denne forskrifta tek til å gjelde frå 1. juli 1996.