Formålet med forskrifta er å regulere motorferdsel i vassdrag, med sikte på å verne om naturmiljøet og fremje trivsel.

• Forskrifta gjeld i Nord-Fron kommune og innafor verneområda, så langt denne forskrifta ikkje kjem i konflikt med vernereglane.
• Reglane i forskrifta er ikkje til hinder for den motorferdsel som er direkte heimla i lov om motorferdsel i utmark og vassdrag, § 4.
• Forskrifta innskrenkar ikkje adgangen grunneigar har etter gjeldande rettsreg­lar til å forby eller avgrense motorferdsel på sin eigen eigedom, jf. lov om mo­torferdsel i utmark og vassdrag § 10.

På alle elvestrekningar og på innsjøar som er mindre enn 2 kvadratkilometer, er all ferdsel med motorfartøy forbode.

Ferdsel med motorfartøy med motorkraft på inntil 10 HK er tillatt på innsjøar som er 2 kvadratkilometer eller større, på elvestrekningar, og på innsjøar mindre enn 2 kvadratkilometer der desse inngår som ein del av eit farbart vassdrag.

For Vinstervatna (Kaldfjorden, Øyvatnet, Sandvatnet, Røya, Buvatnet og Innbus­vatnet) er det tillatt med inntil 20 hk motorkraft.

Etter skriftleg søknad kan rådmannen gje dispensasjon frå reglane i denne forskrif­ta.  Vurdering av søknaden skal følgje reglane i forskrift 15. mai 1988 nr. 356 for bruk av motorkjøretøyer i utmark og på islagte vassdrag, § 6 og § 7.

Brot på denne forskrifta vert straffa etter reglar i lov om motorferdsel i utmark.

Forskrifta trer i kraft så snart den er kunngjort i Norsk Lovtidend.1