Denne forskrifta gjeld all motorferdsle i utmark og på vassdrag i Ulvik herad.

Ferdsle med motorfartøy i samband med fiske samt transport av personar og ut­styr er tillate på følgjande vatn og vassdrag i Ulvik herad.

Vatn over 2 km²:

– Langavatnet, Rundavatnet og Finsevatnet.

Vatn under 2 km²:

– Søre Grøndalsvatnet, Nedre Grøndalsvatnet og Slondalsvatnet.

Det er tillat å nytta bensindrevet motor med inntil 10 HK (hestekrefter).

Det er tillat å nytta elektrisk påhengsmotor.

Når særlege grunner ligg føre, kan heradet, etter søknad dispensera frå reglane i denne forskrifta.

Brot på reglane i denne kommunale forskrifta, eller medverknad til dette, vert straffa i høve til § 12 i motorferdsellova.

Denne forskrifta tar til å gjelda straks den er vedteken i heradstyre i Ulvik.