Forskrifta gjeld for Hafslovatnet med unntak av området mellom Straumbrua og Sogebrua der motorferdsel er forbode ifølgje vernereglane for Hafslovatnet fuglefred­ingsområde.

For område som ligg utanfor vernegrensa til Hafslovatnet fuglefredingsområde, er det tillete å bruke båt med motor dersom båten ikkje har motor med større yting enn 10 HK/7,5 kW.  Innanfor fuglefredingsområdet gjeld vernereglane.

Reglane i § 2 er ikkje til hinder for transport til formål som er rekna opp i § 4 i lov om motorferdsel i utmark.  Innanfor fuglefredingsområdet gjeld i tillegg vernereglane.

Ved særlege grunnar kan kommunestyret – eller anna folkevald organ som kom­munestyret bestemmer – etter skriftleg søknad gje løyve til motorferdsel utover § 2 for område som ligg utanfor grensa for Hafslovatnet fuglefredingsområde.  For område som ligg innanfor grensa er denne mynde lagt til vernemyndigheitene, jf. vernereg­lane.

Forskrifta opphevar forskrift 29. november 1995 nr. 997 om bruk av motorfarty på Hafslovatnet, Luster kommune, Sogn og Fjordane.