Forskrift 29. januar 2020 nr. 177

om start og landing med luftfartøy,
og bruk av motorfartøy på vatn og vassdrag,
Fyresdal kommune, Telemark

(Forskrift om start og landing med luftfartøy, og bruk av motorfartøy på vatn og vassdrag, Fyresdal)

Fastsett av Fyresdal kommunestyre 29. januar 2020 med heimel i lov 10. juni 1977 nr. 82 om motorferdsel i utmark og vassdrag (motorferdsel­loven) § 5.

UOFFISIELLE ENDRINGER OG RETTELSER

  1. Feil og mangler o.l. som er oppdaget og endret ved manuell kontroll (ev. utelatte deler av tekst er angitt med «…»):
    • § 5:

      Henvisning til feil paragraf:

      «… forskriftas § 5. …»  endret til  «… forskriftas § 4. …»

Innhold:

§ 1.Føremål
§ 2.Virkeområde
§ 3.Ferdsel med motorfartøy på vatn under 2 km²
§ 4.Landing og start med luftfartøy
§ 5.Landing og start med luftfartøy etter søknad
§ 6.Motorisert ferdsel i verneområde
§ 7.Dispensasjon
§ 8.Straffeansvar
§ 9.Ikraftsetjing og oppheving

Føremålet med denne forskrifta er ut frå eit samfunnsmessig heilskapssyn å regu­lere motorferdsla i utmark og vassdrag med sikte på å verne om naturmiljøet og fremme trivselen.

Forskrifta gjeld i heile Fyresdal kommune.

Ferdsel med motorfartøy er tillate på vatn under 2 km² for nødvendig transport i samband med næring, utøving av jakt, fangst, fiske og bærsanking, samt transport til hytte og utmarkseigedom.

Landing og start med luftfartøy er tillate på Fyresvatn og Skredevatn.

Kommunen kan etter søknad gje løyve til landing og start med luftfartøy i utmark utover det som er nemnt i denne forskriftas § 4.  Det kan stillast vilkår ved slikt løyve.

Motorisert ferdsel til lands og på vatn innan kommunens verneområde er forbode, medrekna landing og start med luftfartøy, om ikkje ana kjem fram av forskrift for det enkelte verneområde.

Om særlege grunnar føreligg kan rådmannen gje dispensasjon frå reglane i denne forskrift.

Brot på denne forskrifta vert straffa etter reglar i lov om motorferdsel i utmark.

Forskrifta trer i kraft så snart den er kunngjort i Norsk Lovtidend.1  Frå same tids­punkt vert føresegner for Fyresdal kommune til lov 10. juni 1977 nr. 82 om motor­ferdsle i utmark og vassdrag oppheva.

1I kraft 25. februar 2020.