Føremålet med forskrifta er å redusere luftforureininga i Oslo ved bruk av mellom­belse auka bompengetakstar som eit trafikkreduserande tiltak i periodar med høg luft­forureining.

Akershus fylkeskommune og Oslo kommune kan i samråd vedta at det skal takast i bruk mellombelse auka bompengetakstar i dei sentrumsnære bomsnitta i Oslo-pak­ken (Osloringen og Indre ring) etter denne forskrifta når grenseverdiane etter for­urensningsforskriften § 7−9 er overskride eller ved fare for slik overskriding.

Dei auka bompengetakstane skal vere tre gonger så høge som takstane som til kvar tid gjeld ordinært i Oslo.  Dei auka takstane skal vere mellombelse og kan nyttast i korte periodar.

Takstane etter forskrifta skal omfatte dieselkøyretøy, med unntak av:

• køyretøy som er gitt fritak frå betaling av bompengar
• tunge køyretøy (tillat totalvekt frå og med 3 500 kg) som nyttar Euro VI-tek­nologi
• lette køyretøy (tillat totalvekt til og med 3 500 kg) som blir omfatta av takst­klasse «ladbar hybrid».

Inntekter frå takstauken etter § 3 kan nyttast til dekking av kostnader til dei tiltaka Akershus fylkeskommune og Oslo kommune finner er naudsynt for å få ned biltrafik­ken i perioden det gjeld.

Inntekter frå takstauken som ikkje blir nytta til tiltak etter første ledd skal bli for­delte i samsvar med Oslo-pakke 3-avtala.

Forskrifta trer i kraft straks.