Føremålet med forskrifta er å redusere luftforureininga i Bergen ved bruk av mel­lombelse auka bompengetakstar som eit trafikkreduserande tiltak i periodar med høg luftforureining.

Bergen kommune og Hordaland fylkeskommune kan vedta at det skal takast i bruk mellombelse auka bompengetakstar etter denne forskrifta når grenseverdiane etter forurensningsforskriften § 7−6 er overskride eller ved fare for slik overskriding med anteke varigheit på to dagar eller meir.

Dei auka bompengetakstane skal vere fem gongar så høge som takstane som til kvar tid gjeld ordinært i Bergen.  Dei auka takstane skal vere mellombelse og nyttast i korte periodar.

Takstane etter forskrifta skal omfatte alle trafikantgrupper med unntak av trafikan­tar som er gitt fritak frå betaling av bompengar.

Inntekter frå takstauken etter § 3, kan nyttast til dekking av kostnader til dei til­taka som kommunen og fylkeskommunen finner er naudsynt for å få ned biltrafikken i perioden det gjeld.

Departementet kan fastsetje endringar i denne forskrifta.

Forskrifta trer i kraft straks.