Formålet med forskrifta er å legge til rette for at utleige av elsparkesyklar på offent­leg grunn i Ålesund kommune bidreg til framkommelege og trygge offentlege rom, effektiv forvaltning, klimavennlege løysingar og godt miljø og lokalmiljø.

I forskrifta meinast med

• offentleg grunn:  gate, veg, her medrekna fortau, sti, park, torg e.l., plass, bru, brygge, kai, strand, anlegg eller annan stad der det er allmenn ferdsel eller som er bestemt for allmenn ferdsel.
• elsparkesykkel:  Sparkesykkel med elektrisk motor.
• utleigar:  verksemd som leiger ut elsparkesyklar.
• plassering:  kvar plassering, utplassering, flytting, omplassering eller rydding som utleigar, brukar av leigeordninga, eller representantar som opptrer på ut­leigar eller brukar sine vegne, utfører med utleigars elsparkesykkel.

Utleige av elsparkesyklar på offentleg grunn i Ålesund kommune kan berre skje med løyve frå Ålesund kommune.

Løyvet varer i 1 år.

Ålesund kommune avgrensar ikkje total mengd elsparkesyklar i kommunen, men avgrensar mengd syklar i sone 1, jf. § 7 bokstav a.

Mengd elsparkesyklar i sone 1 fordelast likt på alle søkarar som fyller vilkåra for løyve, men likevel slik at kvar søkar maksimalt får det tal elsparkesyklar det er søkt om, sjå forskrifta § 5 bokstav c.

Kommunen kunngjer løyve årleg.  I kunngjeringa blir det fastsett ein søknadsfrist, og det blir oppgitt kor og korleis søknaden skal sendast, kva opplysingar søknaden skal innehalde, og kommunens saksbehandlingsfrist.  Søknadsfristen vil gå fram av kunngjeringa.

Søknadar som leverast etter søknadsfristen blir avvist.  Dersom ein søknad er man­gelfull, skal søkar gis ei vekes frist for retting av søknaden.  Søknadar som ikkje blir retta innan denne fristen vil bli avvist.

Ein søknad om løyve skal som minimum innehalde:

• søkarens namn, adresse, organisasjonsnummer, epostadresse, telefonnummer og kontaktperson.
• stadfesting på registrering i Enhetsregisteret.
• tal elsparkesyklar det blir søkt om løyve til.
• plan for korleis søker skal organisere fjerning, flytting, omplassering og rydding av køyretøy etter forskrifta § 7 bokstav a og j.
• stadfesting på at utleigar oppfyller krav til teknologi som kjem fram av § 7 bok­stav e på tidspunktet løyvet vil bli gitt.

Alle søkarar som oppfyller krava til søknaden i § 5, får løyve.

Likevel får ikkje ein utleigar tildelt løyve eit år, dersom han har misleghaldt løyver frå året før etter denne forskrifta § 12.

• Utleigars elsparkesyklar skal vere fordelt slik i Ålesund kommune

  Sone	Sonebeskrivelse	Totalt tal elsparkesyklar for utleige
  Sone 1	Steinvågbrua til Fagerlia	300
  Sone 2	Resten av kommunen	Ingen grense

  Dei eksakte grensene for sonene vil gå fram av digitalt kart vedlagt den årlege kunngjeringa.  Desse sonene blir ikkje endra i løyveperioden.

  Dei 300 løyva vil bli forholdsmessig fordelt mellom søkarane.

• Utleigar plikter å følgje dei krav til plassering av elsparkesyklar som kommunen formidlar digitalt, med tilhøyrande fysisk merking/skilting.
• I løyveperioden kan Ålesund kommune fastsette midlertidige og permanente digitale soner (geofence) innanfor sonene som framkjem av § 7 bokstav a, som utleigar plikter å iverksette overfor brukarane av køyretøya.  Sonene kan gjelde for heile eller delar av døgnet og/eller for bestemte dagar eller vekedagar, og kan medføre:
  • forbod eller anna regulering av plassering og parkering
  • bruksforbod
  • særskilte fartsgrenser.

  Ålesund kommune skal varsle utleigar digitalt om nye eller endra soner, med tilhøyrande reglar.  Utleigar skal oppdatere sine system med data sendt frå kommunen minst ein gong kvart døgn.

• Utleigar skal dele sanntidsdata og historiske data på elsparkesyklar og på ser­vicekøyretøy etter standard oppgitt i kunngjeringa.
• Utleigar skal ha nødvendig teknologi for å motta data om, og for iverksetting av geofence, og for å kunne dele opplysingar med kommunen som nemnt i § 7 bokstav d.  Kommunen gir nærare føresegner i kunngjeringa om kva teknologi utleigar pliktar å ha.
• Utleige kan skje alle dagar, heile dagen.
• Alle elsparkesyklar skal merkast tydeleg med firmanamn og kontaktinforma­sjon til utleigar, samt ID som kan lesast manuelt og digitalt for å identifisere køyretøyet.
• Utleigar skal på eige initiativ, fortløpande fjerne, flytte og rydde elsparkesyklar:
  • som er til hinder for den generelle framkomma.
  • som ikkje har vore utleigd på 24 timar og som ikkje står på areal avsett til parkering for utleige av elsparkesyklar.
  • som er velta, ikkje fungerer, har hamna i elv og sjø, eller på annan måte forsøplar lokalmiljøet.
  • når Ålesund kommune har drifts- og vedlikehaldsoppgåver i byrommet som krev at elsparkesyklar må fjernast, som ved vinterdrift, vårrein­gjering, vegarbeid mv.
  • når det er nødvendig ved brann, vasslekkasje eller andre liknande hen­dingar.
  • for å stette kravet til maksimal mengd elsparkesyklar innanfor sonene, jf. § 7 bokstav a.

  Kommunen kan ileggje særskilte fristar knytt til fjerning, flytting og rydding av elsparkesyklar.

• Utleigar skal følgje opp innmeldte feil i sitt system innan 24 timar.
• Køyretøy som nyttast i drifta av utleigeverksemda til utplassering og omplas­sering mv. av elsparkesyklar, skal vere utsleppsfrie.

Kommunen skal kunne dele og publisere data frå utleigarane.

Utleigar skal betale gebyr for dekking av kommunens utgifter i samband med admi­nistrasjon og tilrettelegging for, samt utgifter til tilsyn og kontroll med, utleigeverk­semda regulert i lov om utleige av små elektriske køyretøy på offentleg grunn, denne forskrifta og det enkelte løyve, i samsvar med sjølvkostprinsippet.

Kommunens utgifter for løyveperioden blir gjort kjent ved den årlege kunngjeringa, og fordelast forholdsmessig etter mengd tildelte køyretøy, på alle som får løyve etter § 3 og § 7 bokstav a.

Gebyret forfell til betaling forskotsvis den dagen ny løyveperiode startar.  Gebyret vil ikkje bli refundert dersom utleigar mislegheld løyvet, ikkje tek i bruk løyvet, eller avsluttar si verksemd i løpet av løyveperioden.

Utgifter som kommunen har hatt i samband med fjerning og forvaring av elsparke­syklar inngår ikkje i utrekninga av dette gebyret.

Dersom utleigar avsluttar utleigeverksemda i løyveperioden, mister utleigar løyvet. Utleigar skal straks varsle kommunen om tidspunktet for avslutting av verksemda.  Ut­leigar skal fjerne alle sine små elektriske køyretøy frå offentleg grunn snarast, og seinast innan ei veke etter at verksemda har opphøyrt.

Ålesund kommune kan fjerne og ta i forvaring små elektriske køyretøy, og krevje betaling, etter § 6 i lov om utleige av små elektriske køyretøy.

Løyvet kan trekkast tilbake ved gjentatte eller grove brot av lov om utleige av små elektriske køyretøy på offentleg grunn, denne forskrifta, eller vilkår i løyvet.

Enkeltvedtak kan påklagast, etter forvaltningslovas kapittel VI.

Forskrifta trer i kraft straks.