5 knop er høgste tillate fart i følgjande farvatn:

Indre del av Aurlandsfjorden, sør for ei line trekt mellom følgjande posisjonar:

60° 52.181′ N, 7° 07.446′ Ø og 60° 52.235′ N, 7° 08.502′ Ø.

Forskrifta gjeld ikkje for

• fartøy som høyrer til forsvaret, politiet, tollvesenet og brannvesenet, samt los­fartøy og ambulansefartøy,
• fartøy med lege om bord,
• fartøy i sjøredningsteneste der overskriding av fartsavgrensinga må til for å få utført utrykkinga eller oppdraget.

Fartøy som nemnd i første ledd skal om mogleg vise varsellys eller på anna måte varsle om utrykkinga eller oppdraget.

Kommunestyret kan gje dispensasjon frå denne forskrifta.  Dispensasjon kan berre skje etter grunngjeve søknad.  Dispensasjon skal vidare berre skje i særlege tilfelle, og det skal leggjast vekt på at det ikkje ved bølgjeslag eller på anna måte oppstår skade eller fare for skade på personar, medrekna badande, andre fartøy, strandliner til farvatnet, kaier, akvakulturanlegg eller omgjevnadane elles.

Dispensasjonen skal gjerast tidsavgrensa.

Kommunestyret kan delegere mynde etter første ledd til hamnestyret.

Tildeling eller avslag på søknad om dispensasjon kan klagast på.  Kystverkets hovudkontor er klageinstans for vedtak fatta av kommunestyret eller hamnestyret.

Brot på forskrifta eller einskildvedtak gitt i medhald av denne, straffast med bøter etter lov 17. april 2009 nr. 19 om havner og farvann § 62, for så vidt brotet ikkje vert ramma av strengare strafferegel.

Forskrifta trer i kraft ved kunngjering i Norsk Lovtidend.1